ბიოგრაფია

ემილ ავდალიანი „ჯეოქეისის“ აღმოსავლეთმცოდნეობის მიმართულების დირექტორია და ევროპის უნივერსიტეტის პროფესორი. იგი ფლობს მაგისტრის ხარისხს ოქსფორდის უნივერსიტეტიდან და დოქტორის ხარისხს ივანე ჯავახიშვილის სახელობის თბილისის სახელმწიფო უნივერსიტეტიდან. მისი სადოქტორო ნაშრომი ეხებოდა ბიზანტიის და სასანური ირანის სამხედრო სტრატეგიას გვიან ანტიკურ ხანაში. ემილ ავდალიანი ამჟამად ასწავლის ისტორიას და საერთაშორისო ურთიერთობებს ევროპის უნივერსიტეტსა და ილიას სახელმწიფო უნივერსიტეტში. მას გამოქვეყნებული აქვს არაერთი მონოგრაფია, მათ შორის მისი ბოლო ნაშრომი - New World Order and Small Regions: The Case of South Caucasus.

ამასთან ერთად, ემილ ავდალიანი მუშაობს სამხრეთ კავკასიასა და ევრაზიაში მიმდინარე პოლიტიკურ და სამხედრო საკითხებზე. მისი კვლევის საგანს წარმოადგენს ირანის, თურქეთის და ჩინეთის საგარეო პოლიტიკა.

ემილ ავდალიანი მუშაობდა ევრაზიის ანალიტიკოსის პოზიციაზე სხვადასხვა საერთაშორისო საკონსულტაციო კომპანიაში. ის რეგულარულად აქვეყნებს სტატიებს ადგილობრივ ქართულ (Georgia Today) და უცხოურ გამოცემებში (CEPA, RUSI, Caucasuswatch.de და ა.შ.).

იგი ფლობს ინგლისურ, ფრანგულ, რუსულ, ჩინურ, სპარსულ და ქურთულ ენებს.