ანალიტიკური ცენტრი “ჯეოქეისი” აგრძელებს საერთაშორისო წარმომადგენლობის განმტკიცებას და თანამშრომლობის გაფართოებას საქართველოს ფარგლებს გარეთ.
მოხარულნი ვართ, გაცნობოთ, რომ ცენტრმა ოფიციალურად დააფუძნა წარმომადგენლობა ამერიკის შეერთებულ შტატებში, რაც მნიშვნელოვანი ნაბიჯია საქართველოსა და აშშ-ს შორის ანალიტიკური დიალოგისა და პოლიტიკური თანამშრომლობის გაძლიერების ხელშესაწყობად.
აშშ-ში "ჯეოქეისის" ოფისი ამერიკაში მოქმედ ორგანიზაცია "ქართულ-ამერიკულ რესპუბლიკურ ალიანსთან" (GARA) ახლახან ხელმოწერილი ურთიერთგაგების მემორანდუმის შედეგად დაფუძნდა. ეს სტრატეგიული პარტნიორობა მიზნად ისახავს ქვეყნებს შორის ურთიერთგაგების ხელშეწყობას, გლობალურ საკითხებზე დისკუსიებისა და ანალიტიკური გამოცდილების გაცვლის პლატფორმის შექმნას.
"ჯეოქეისის" აშშ-ის ოფისი პოლიტიკის შემქმნელებს, აკადემიური წრეების წარმომადგენლებსა და ექსპერტებს შესთავაზებს ადგილს ურთიერთობების გასაღრმავებლად კომუნიკაციისათვის, ძირითად საერთაშორისო საკითხებზე ინფორმირებული გადაწყვეტილებების მიღების მხარდასაჭერის მიზნით.
"ჯეოქეისის" აშშ-ის ოფისის საკონტაქტო დეტალებია:
3057 ბრაიტონის მე-7 ქუჩა, ბრუკლინი, ნიუ-იორკი 11235, აშშ
ელ. ფოსტა: Usa@geocase.ge
