ბიოგრაფია

ბექა ბოჭორიშვილი ანალიტიკური ცენტრის „ჯეოქეისის“ მკვლევარია კონფლიქტების მიმართულებით. მისი ინტერესის სფეროს წარმოადგენს კონფლიქტები, საერთაშორისო ურთიერთობები, ტერორიზმისა და საერთაშორისო უსაფრთხოების საკითხები. 

მას როგორც კერძო, ისე საჯარო სექტორში 9 წელზე მეტი მუშაობის გამოცდილება გააჩნია. მუშაობის 5 წელი კი უშუალოდ პარლამენტის აპარატში საკომიტეტო საქმიანობას დაუთმო. საჯარო სექტორში მისი გამოცდილება მოიცავს ევროინტეგრაციის სამინისტროს სტრატეგიული კომუნიკაციების დეპარტამენტში სტაჟირებასა და უმცროსი სპეციალისტის პოზიციაზე მუშაობას. არის პარლამენტის წევრის თანაშემწე, ასევე მუშაობს საგარეო პოლიტიკური მიმართულებებით. პარალელურად ეწევა აკადემიურ საქმიანობასაც, არის როგორც სტატიების, ასევე კვლევის ავტორი. 

ბექა ბოჭორიშვილი კავკასიის უნივერსიტეტის სახელმწიფო მართვის სკოლის კურსდამთავრებულია საერთაშორისო ურთიერთობების მიმართულებით. ასევე, გახლავთ თბილისის სახელმწიფო უნივერსიტეტის სოციალური და პოლიტიკური მეცნიერებების ფაკულტეტის მაგისტრის ხარისხის მფლობელი დიპლომატიისა და საერთაშორისო პოლიტიკის მიმართულებით. საკვლევი თემის საგანს რუსეთ-უკრაინის ომი წარმოადგენდა.

სხვა და სხვა დროს გავლილი აქვს 2 თვიანი კურსი სახელწოდებით „დიპლომატია თანამედროვე მსოფლიოში“ ლონდონის უნივერსიტეტში, 2 თვიანი კურსი - „ევროკავშირის საჯარო პოლიტიკა: სოციალური, ეკონომიკური და საგარეო პოლიტიკა“ ჰარვარდის უნივერსიტეტში. ამასთან ერთად, იგი არის ადენაუერის ფონდის პროექტის გამარჯვებული, პროექტი შეეხებოდა დეზინფორმაციის გავრცელებასა და მის პრევენციას. 

ბექა ფლობს ინგლისურ, რუსულ და ფრანგულ ენებს.